Herri Arduralaritzaren Euskal Erakundearen helburuak sorrera-legeko 4.atalean zehaztuta daude eta euskal administrazio publikoen jardunerako bereziki garrantzitsuak diren bi eremuren inguruan biltzen dira: langileak aukeratu eta prestatzea alde batetik, eta euskararen erabilera erakunde publikoetan normalizatzea beste alde batetik. Helburu biko jomuga hori beste jarduera-eremu batek osatzen du: euskal autonomiaren berezitasunak eta, oro har, administrazio-zientzia ikertu, irakatsi eta ezagutzera ematekoak. Beste jarduera-eremu honek adiera berezia du Herri Arduralaritzaren Euskal Erakundeak azken urteotan egin dituen lanen artean.
ERAKUNDEAREN JARDUNAK Ogasun eta Administrazio Publikoko Sailaren 241/2003 Dekretuak Herri Arduralaritzaren Euskal Erakundearen organu-egitura eta funtzioak zehaztu zituen.
Erakundeari atxikitako egitarau eta eskolen kudeaketa ekonomia-finantzazkoa eta legezkoa.
Euskal administrazioek politika, lege, administrazio eta ekonomiaren aldetik dituzten berezitasunak ikertzea, irakastea eta zabaltzea.
Administrazioari buruzko edukina duten batzarrak, jardunaldiak eta mintegiak.
Hirigintzaren eta lurraldearen antolaketarekin lotuta dauden teknika eta metodologiak zabaltzeko eta teknika eta metodologia horietan prestatzeko jardunak.
Funtzionarioak zein bitarteko eta lan-hitzarmenpeko langileak hautatzea Euskal Herriko administrazio nagusi nahiz erakunde-administraziorako eta hala eskatzen duten bestelako euskal herri-administrazioetarako.
Euskal Autonomia Erkidegoko administrazio nagusiko nahiz erakunde-administrazioko herri langileak prestatzeko eta beren lanbidean hobetzeko ikastaro eta mintegiak.
