IVAPeko Euskalduntze Zerbitzuak, bertako Prestakuntza Arloaren bitartez, euskara ikastaroak  eskaini eta antolatzen ditu. Ikastaro horiek Administrazioko Hizkuntza Normalkuntzaren Plagintzak ezarritako lau hizkuntza-eskakizunak  lortzera bideratuta daude eta IVAPek ordaintzen ditu erabat.

 Ikastaroetan parte hartu ahal izateko, ondorengo administrazio hauetako batean lan egin behar da:

 Euskal Autonomia Erkidegoko Administrazio Orokorra

 Osakidetza

 IVAPekin lankidetza-hitzarmena izenpetuta duten erakundeak

  Ikastaroetako modulu eta ordutegien eskaintza honakoa da:

• Barnetegiak
• Aurrez aurreko ikastaroak (ordutegi  aukera zabala)
• Autoikaskuntza
• 4 HE lortzeko on-line bidezko ikastaroak
• Udako ikastaroak

Euskara ikastaroak antolatzearekin batera, Hizkuntza Prestakuntza Arloak beste bi eginkizun hauek ere baditu:

• Hizkuntza normalkuntzari buruzko aholkularitza eskaintzen die herri-administrazioei.
• Dirulaguntzak ematen dizkie lankidetza-hitzarmena  izenpetuta duten erakundeei, euskara eskoletara doazen langileen ordezkapenak ordaintzen laguntzeko.