Gaiak

1.- Ordu-kredituaren definizioa, kalkulatzeko modua, osagaiak…

2.- Ordu-kreditua kontsumitzea eta saldoa eguneratzea

3.- Ordu-kreditua eskaerak egiterakoan

4.- Ordu-kreditua ikastaroan zehar

5.- Ordu-kreditua lanorduz kanpoko ikastaroetan

6.- Ordu-kreditua udako ikastaroetan

 

IVAPekin hitzarmena duten erakundeetako langileei dagokienez,  ordu-kredituen sistema arau honen bidez ezarri da:

AGINDUA, 2005eko azaroaren 30ekoa, Ogasun eta Herri Administrazio sailburuarena. Agindu honen bidez, batetik, arautzen da Herri Arduralaritzaren Euskal Erakundeak (IVAPek) Euskal Autonomia Erkidegoko herri-erakundeei eskainiko dien hizkuntza-prestakuntzako zerbitzua, eta bestetik, ezartzen dira euskara-ikastaroetara doazen udal-langileak ordezkatzeko dirulaguntzen arauak (EHAA, 2005-12-19; 239 zk.)

1. gaia: ordu-kredituaren definizioa, kalkulatzeko modua, osagaiak…

1- Zer da ordu-kreditua

Ordu-kreditua (OK) langile bakoitzari finantzatuko zaion hizkuntza-prestakuntzako gehieneko ordu-kopurua da.

2- Nori ezartzen zaio ordu-kredituen sistema?

Ordu-kreditua IVAPekin eskolatzen diren langile guztiei ezartzen zaie, hau da, ikastaroak lanorduetan egiten dituztenei nahiz lanorduz kanpo egiten dituztenei.

3- Noiz ezartzen da ordu-kreditua?

IVAPekin hitzarmena duten erakundeen kasuan, ordu-kredituen sistema 2006-07 ikasturtean hasi da aplikatzen. Beraz, ikasturte horretatik aurrera, IVAPekin eskolatzen den langile bakoitzari bere ordu-kreditua finkatzen zaio egiten duen lehen ikastaroan.

4.- Zeintzuk dira ordu-kredituen sistemaren helburuak?

Honako hauek:

- Bitartekoen eta helburuen artean arrazoizko proportzioa ezartzea, lanorduetako hizkuntza-prestakuntzari eskainitako gastuak muga egoki eta nahikoak izan ditzan hizkuntza-eskakizunak egiaztatzeko.

- Langileek hizkuntza-eskakizunak modu progresiboan, prestakuntza jaso ahala, gainditu ditzaten bultzatzea.

5- Nola kalkulatzen da langile baten ordu-kreditua?

Ordu-kreditua kalkulatzeko, langilearen hasiera-maila eta egiaztatu behar duen hurrengo hizkuntza-eskakizuna hartzen dira kontuan, hau da:

1- Langilearen hasiera-maila: ordu-kredituen sistema indarrean jarri denetik aurrera, hau da 2006-07 ikasturtetik aurrera, langilea eskolatzen den lehen ikasturtean hasten duen maila (urratsa) izango da.

2- Langileak egiaztatu behar duen hurrengo hizkuntza-eskakizuna: langileak egiaztatu duen azken hizkuntza-eskakizunaren ondorengoa da. Oraindik bat ere ez badu egiaztatu, 1. hizkuntza-eskakizuna da. Ez nahastu langileak lanpostuan ezarrita daukan hizkuntza-eskakizunarekin.
Bi aldagai horiek gurutzatuta, ordu-kredituak jasotzen dituen ondorengo taula hau osatzen da:

6- Langilearen hasiera-maila aldatu daiteke?

Ez. Ordu-kredituari begira hasiera-maila ez da aldatzen, hau da, behin ordu-kreditua finkatu denean, hasiera-maila ere finkoa da nahiz eta ondorengo ikasturteetan langilearen euskara maila ordu-kreditua ezarri zitzaionean zeukana baino altuagoa edo baxuagoa izan. Beraz, hasiera-maila bat eta bakarra da langileak ikasprozesuan zehar egiaztatu nahi dituen HE guztietarako. Bestela esanda, behin langilearen hasiera-maila finkatuta, aurreko taulan hasiera-maila horri dagokion lerroan bilatu behar dira HE bakoitzerako langile horrek izango dituen ordu-kredituak.

7- Langilea beste lanpostu batera joaten bada eta lanpostu horretako hizkuntza-eskakizuna desberdina bada, berriro kalkulatu behar zaio ordu-kreditua?

Ez. Ordu-kredituak ez du zerikusirik lanpostuaren hizkuntza-eskakizunarekin. Ordu-kredituaren xedea, beti ere, langileak gainditu behar duen hurrengo hizkuntza-eskakizuna da. Langilea lanpostuz aldatu arren, gainditu behar duen "hurrengo hizkuntza-eskakizuna" eta "hasiera-maila" ez dira aldatzen; beraz, bere ordu-kreditua ere ez da aldatzen.

2. gaia: ordu-kreditua kontsumitzea eta ordu-kredituaren saldoa eguneratzea

8- Nola gastatzen da ordu-kreditua?

Ordu-kreditua ikasleari emandako orduekin gastatzen da.

Garrantzitsua da ohartzea emandako orduak zenbatzen direla eta ez ikasleak hartutako orduak. Izan ere, ordu-kredituak ez dauka zerikusirik ikasleak izandako asistentziarekin; adibidez, hilabete batean 40 eskola-ordu eman badira taldean, taldeko guztiei 40 ordu kenduko zaie ordu-kreditutik, berdin %100ekoa asistentzia izan duenari zein %80koa izan duenari.

9- Noiz eguneratzen da ordu-kredituaren saldoa?

Ordu-kredituaren saldoa hilez hil eguneratzen da.

Zenbaketa ikaslearen taldearen lehenengo klase egunetik ikasturtea amaitu arte egingo da, edo, kasuan kasuan, ikasleak ikastaroa behin betikoz uzten duen momentura arte.

10- Langileak hurrengo HE gainditzen duenean, zein da ordu-kredituaren saldo berria?

Langile bati geratzen zaion saldoa kalkulatzeko, nahikoa da kenketa hau egitea: momentu bakoitzean dagokion ordu-kreditua ken hasiera-mailatik emandako eskola-orduak.

Saldoa= (ordu-kreditua) ? (emandako orduak)

Adibidez, hona hemen langile baten 3HE lortu arteko ikasprozesu posible bat. Ikusi nola eboluzionatzen duen bere saldoak ikasturtearen hasieran eta bukaeran: