 0. Sarrera
Ofizioa eta gutuna bereizten, ofiizoaren idazpurua antolatzen, gaia azaltzen, helburuaren berri ematen eta zergatikoa nahiz zertarakoa adierazten ikasiko duzu unitate honetako ariketen bidez eta irakaslearen laguntzaz.
Ofizioaren eredua ematea gure zeregina ez denez, Administrazioa Euskaraz aldizkaria arduratzen baita, besteak beste, horretaz, zenbait aldagai besterik ez dira hemen ariketatzat erabilitako ofizio-testuak.
Halaber, ofizo-testuetan agertu ohi esaldiak ere eskura dauzkazu, baliabide gisa.
Azkenik, zure burua ebaluatzeko frogarik ere baduzu, egin duzun aurrerakadari antzeman diezaiozun eta duzun gabeziaz ohar zaitezen.
1. Hasierako ariketak
1.1. ARIKETA:egizu ofizioa
Zeure saileko zerbitzuburua zara, eta Zerbitzu Orokorretako arduradunari Gabonetan jai egingo duten langileen zerrenda bidali nahi diozu ofizio baten bidez.
1.2. ARIKETA:bereizi testuak
Segidako A eta B idazki hauetatik zein da ofizioa eta zein gutuna?
A Idazkia
| A idazkia
Toki-egunak: Gasteiz, 1993ko maiatzak 1
Gaia: hondamen-espedientea
Zk.: 92/199
Nork: Hirigintzako zerbitzuburuak
Nori: Gazeoko alkateari
GAZEOKO UDALA
Jon Aranzabal Olite
Plaza Zaharra 10, 5.a
01029 Gazeo
Joseba Goibururen baserria erortzeko zorian dagoela eta, honekin batera bidaltzen dizut udal-teknikariak gaurko egunez eginiko txostena.
Hirigintzako zerbitzuburua
Pablo Iriarte Atutxa
|
B idazkia
|
HERNANIKO UDALA
Asier Olite Arretxe
Kale Nagusia z/g
28020 Hernani
Jaun hori,
Euskara sailean sartuko den Administrazio Orokorreko administrari-lanpostua betetzeko hautaketa-prozesuari dagokionez, honako puntuok adierazten dizkizut:
1. Hizkunta-eskakizuna egiaztatzeko helburua zuen frogarako, HAEEk Idoia Gomezkorta izendatu zuen, hasieran; baina, hizkuntza-eskakizunik neurtuko ez denez, aipaturiko pertsonak ez du hautaketan parte hartuko.
2. Lanpostuari dagokion hizkuntza-eskakizuna (teknikari gaitua) egiaztatzeko frogarik ez denez gero, HAEEk ez du bere gain hartzen lanpostua beteko duen pertsonari dagokion hizkuntza-eskakizuna egiaztatzeko erantzunkizunik.
3. Hautaketako gainerako frogetarako, HAEEk honako izendapenok eginak ditu:
Jon Sarriegi Berakoetxea
Bittor Retana Garai
Besterik gabe, agur.
Mikel Antero Leza
Euskalduntze zerbitzuburua
Gasteiz, 1993ko otsailak 20
|
1.3. ARIKETA:erantzun galderei
Ondorengo galderak A idazkiari dagozkio, hau da, ofizioa den idazkiari. Saia zaitzez erantzuten, eta berehala ikusiko duzu zeintzun diren ofizio eta gutunaren arteko ezberdintasunak. Ez ahaztu, galderak A idazkiari dagozkio.
| 1.3.1. Zein da bere barne-egitura?
_______________________________________________________________
|
| 1.3.2. Ba al du agurrik?
_______________________________________________________________
|
| 1.3.3. Espedienteren bateko izapidetzan aurkitzen den idazkia al da?
_______________________________________________________________
|
| 1.3.4. Gai bakarra izanik, zein da gaia?
_______________________________________________________________
|
| 1.3.5. Zein da helburua?
_______________________________________________________________
|
| 1.3.6. Zeintzuk dira idazpuruaren osagaiak?
_______________________________________________________________
_______________________________________________________________
|
| 1.3.7. Zeintzuk dira enborraren osagaiak?
_______________________________________________________________
_______________________________________________________________
|
| 1.3.8. Zeintzuk dira sinaduraren osagaiak, eta zein ordenatan daude?
_______________________________________________________________
_______________________________________________________________
|
2. Idazpurua
2.1. ARIKETA:hutsuneak bete
Bete idazpuruaren egitura-laukiko hutsuneak, 0.1. ariketan erabili dituzun datuak berreskuratuz.
| Toki-egunak: _________________________________
Gaia: _________________________________
Zk.: _________________________________
|
| Nork: __________________________________
Nori: __________________________________
|
Laukia bete ondoren, birpasatu eta, beharrezkoa izanez gero, zuzendu idatzi duzuna, honako ohar hauei begira:
| - TOKI EGUNAK zehazterakoan, herriaren izen ofiziala NOR kasuan azalduko
zaigu. Urtea, zenbakiz eta -KO marka erantsirik emango dugu; hilabetea, letra
xehez eta -K hizkiz; eguna, azkenik, zenbakiz eta deklinabide markarik gabe.
Adb.: Amurrio, 1993ko urriak 8
Beste aukera laburrago bat hauxe litzateke: urtea, hilabetea eta eguna zenbakiz
idaztea, hirurak marratxoaz bereiziz.
Adb.: 1993-10-08
- GAIA egoki, labur eta zehatz adierazi; ahal bada, bost hitz baino gutxiagoko
esaldi bakarraz, gehienera, bi esaldiz. Kontuan izan edukiaren berri eman behar
dela, alferrikako hitzak baztertuz eta mamia azpimarratuz.
- ZENBAKIA, espedientearen zenbakia alegia, erakunde bakoitzak, bere
erreferentzien arabera, zehaztu behar du. Normalean igorleari dagokion zenba-
kia bakarrik jartzen bada ere, hartzailearentzako hutsunea ere utz daiteke.
- Igorleraen kargua NORK kasuan adierazi behar da. Nahi izanez gero, NORK
jarri beharrean, IGORLEA ere erabil dezakegu; kasu honetan deklinabide-
-markak aldatu egin behar dira.
Adb.: IGORLEA: Hirigintzako zerbitzuburua
- Hartzailearen kasuan ere, aukera bikoitza dugu: NORI galderari erantzun,
edota deklinabide markak ez erabiltzeko HARTZAILEA jarri.
Adb.: HARTZAILEA: Gazeoko alkatea
|
2.2. ARIKETA: asmatu idazpuru-gaia
Asma ezazu egoki, labur eta zehatz, ondoko kasuei dagokien idazpuru-gaia:
| 2.2.1.
HAEEk ofizioa bidali nahi die udalei alfabetatze-ikastaroak zein euskaltegitan emango diren esanez.
|
| 2.2.1 Idazpuru-gaia:
_____________________________________________________________
|
| 2.2.2.
Orain bi hilabete zure sailak administrari-lanpostu bat betetzeko deialdia egin zuen. Geroztik, deialdiaren arabera, hainbat hautagai aurkeztu izan dira, eta, gaur egunez, Aldizkari Ofizialeko zuzendariari ofizioa bidali nahi diozu onartu eta baztertuen zerrenda argitara eman dezan.
|
| 2.2.2. Idazpuru-gaia:
_____________________________________________________________
|
| 2.2.3.
Administrazioak ikerketetarako dirulaguntzak eskaini dizkie herritarrei. Joxe Goiburuk, Australiako kuala gorrien ugalketa goiztiarra ikertu nahi duela eta, eskabidea egin du dirulaguntza lortu ahal izateko. Zure sailak aldeko erabakia hartu du, baina beste sail batek ere bere iritzia eman behar du. Zuk beste sail horri ofizioa bidali nahi diozu, zure sailak aldeko erabakia hartu duela, eta beste sail horren erabakiaren zain zaudela esanez.
|
| 2.2.3. Idazpuru-gaia:
______________________________________________________________
|
Aurreko hiru ariketak egin ondoren, erreparatu lehen aipaturiko ohar honi:
| Gaia egoki, labur eta zehatz adierazi; ahal bada, bost hitz baino gutxiagoko
esaldi bakarraz, gehienera, bi esaldiz. Kontuan izan, edukiaren berri eman behar
dela, alferrikako hitzak baztertuz eta mamia azpimarratuz.
|
3. Norentzakoa
Ofizioa bidaltzerakoan leihatiladun sobrea erabiliz gero, ofizioan bertan jasoko dira hartzailearen datuak. Datu horiek, leihatila horren parean, idazpuruaren ostean eta enborrari ekin baino lehen jarriko ditugu, ordenari dagokionez ondoko aukerok, gutxienez, ditugularik:
Frankiziaren bidez, beste erakunde ofizial bati:
| GAZEOKO UDALA
Jon Aranzabal Olite
Plaza zaharra 10, 5. a
01029 Gazeo
|
Erakundea
Hartzailea
Helbidea
Posta kodea eta Herria
|
Posta-seiluen bidez, enpresa bati:
| VITAL KUTXAko zuzendaria
Jexux Eizagirre Mateos
Foru enparantza 6
01001 Gasteiz
|
Hartzailearen kargua
Hartzailea
Helbidea
Posta kodea eta Herria
|
Posta-seiluen bidez, herritar bati:
| Pablo Iriarte Agirregomezkorta
Barrenkale 7, 6.A
29021 Barakaldo
|
Hartzailea
Helbidea
Posta kodea eta Herria
|
4. Enborra
Enborrari dagokionez, hainbat osagarri bereizi eta azter daitezke: ofizioaren helburua, ofizioaren zergatia, testu-antolatzaileak, e.a.
4.1. ARIKETA: egokitu testu-antolatzaileak
Zedarritu zure aukerako gai bat, bukaeratzat segidako testu-antolatzaileak erabiliz.
| 4.1.1.
_____________________________________________________ dela eta,
|
| 4.1.2.
_____________________________________________-(a)ri dagokionez,
|
| 4.1.3.
____________________________________________-(a)ri dagokionean,
|
| 4.1.4.
______________________________________________________________
___________________________________________gaia aintzat hartuz,
|
| 4.1.5.
_______________________________________________________________
___________________________________________gaia gogora ekarriz,
|
4.2. ARIKETA: egokitu helburua eta testu-antolatzaileak
Aukeratu duzun gaiaren arabera, finka ezazu ofizioaren helburua edo zeregina (zerbait bidaltzea, zerbaitetarako dei egitea, jakinaraztea...) ondoko testu-antolatzaileak direla bide:
| 4.2.1.
___/, honekin batera___________________________________________
_______________________________________________bidaltzen dizut.
|
| 4.2.2.
___/, ofizio honen bidez_______________________________________
______________________________________________dei egiten dizut.
|
| 4.2.3.
___/, ofizio honen bitartez____________________________________
____________________________________________jakinarazten dizut.
|
| 4.2.4.
___/, ofizio hau tarteko harturik_____________________________
______________________________________________adierazten dizut.
|
| 4.2.5.
___/, ofizio honi atxikirik, __________________________________
___________________________________________ezagutarazten dizut.
|
| 4.2.6.
___/, _________________________________________________________
___________________________________________ofizio hau dela bide.
|
| 4.2.7.
___/, _________________________________________________________
_________________________________________ofizio hau dela medio.
|
4.3. ARIKETA: bilatu testu-antolatzaileak
Bilatu zergatikoren/zertarakoren bat aukeratu duzun helburuari, eta erantsi honi ondoko testu-antolatzaileak:
| 4.3.1.
_______________________________________________________________
____________________________________-(a)ren berri izan dezazun.
|
| 4.3.2.
_______________________________________________________________
_________________________________-(a)ren gainean egon zaitezen.
|
| 4.3.3.
_______________________________________________________________
_____________jakin dezazun eta dagozkion ondorioak izan ditzan.
|
| 4.3.4.
_______________________________________________________________
________________________-(a)ri dagozkion neurriak har ditzazun.
|
4.4. ADIBIDEAK
Hona hemen ofizioaren enborrari dagozkion zenbait adibide:
| ZERBAIT ERANTSIRIK BIDALTZEKOAK:
- "...ofizio honekin batera bidaltzen dizut Kultura sailburuak apirilaren 5ean emandako Agindua."
- "Jakinaren gainean jartzeko, ofizio honekin batera, Kulturako ordezkari berriaren Izendapen Dekretua bidaltzen dizut."
- "...jakin dezazun eta dagozkion ondorioak izan ditzan, ofizio honekin batera 1992ko maiatzaren 6an egindako lehiaketan parte hartutakoen zerrenda bidaltzen dizut."
- "...jakinaren gainean egon zaitezen eta erabaki egokia har dezazun, ofizio honekin batera Aitor Artazak zerbitzu honetara helarazitako eskabidea bidaltzen dizut."
|
| ZERBAITEN BERRI EMATEKOAK:
- "...ofizio honen bitartez, datorren ekainaren 15ean, ohizko orduan, saileko zuzendari guztien bilera izango dela jakinarazten dizut."
|
| ERABAKI BATEN BERRI EMATEKOAK:
- "...ofizio honen bidez, Eusko Jaurlaritzak 1992ko apirilaren 5eko bilkuraren ondoren aurrekoa hitzez hitz aldatzen duen erabakia hartu duela jakinarazten dizut".
- "...ofizio honen bitartez, gaurko egunez Kultura sailburuak 1992ko maiatzaren 8ko zure idazkia onartu eta zerbitzu honen ardurapean jarri duela jakinarazten dizut."
|
5. Ariketa osagarriak
5.1. ARIKETA: osatu ofizioa
Jarraian ematen zaizun testua dela medio, osatu ofizioa, idazpurua, izenpea eta bestelakoak zehaztuz. Beharrezkoa jotzen baduzu, moldatu testua:
| "..., honekin batera doakizu urtarrilaren 12an 90-91 ikasturteko lehenengo lauhilabeteko ikastaroetan Donostian hasiko diren zure saileko langileen zerrenda." |
| 5.1 ARIKETA: sortu ofizioa
|
5.2. ARIKETA: sortu ofizioa
Osatu ofizioa ematen zaizkizun datuak kontuan hartuz. Argi ibili idazpuruarekin, ez dago osorik eta.
| GAIA: alfabetatze-ikastaroa.
Zk.: 92/235
NORK: HAEEko zuzendariak.
NORI: Isabel Loinazi.
|
| 5.2 ARIKETA: sortu ofizioa
|
5.3. ARIKETA: sortu ofizioa
Idatzi ofizioa, ondoko datuak gogoratuz: ofizioaren helburua ikastaroaren zerrenda bidaltzea da eta aitzakia alkatea jakinaren gainean jartzea, honek diren neurriak har ditzan. Idazpurua, oraingo honetan, osorik duzu.
| TOKI EGUNAK: Durango, 1993ko otsailak 1
GAIA: alfabetatze-ikastaroa.
Zk.: 92/235
NORK: HAEEko zuzendariak.
NORI: Isabel Loinazi.
|
| 5.3 ARIKETA: sortu ofizioa
|
5.4. ARIKETA: sortu ofizioa
Zeuk sortu beharreko ofizioa duzu ondorengoa, eskema hau erabiliz.
| IGORLEA: udal-idazkaria
HARTZAILEA: Aldizkari Ofizialeko zuzendaria
GAIA: langile-hautaketa.
Zk.: 92/235
HELBURUA: onartu eta baztertuen zerrenda argitara ematea.
ZERGATIKOA/ZERTARAKOA: hautagaiak jakinaren gainean jartzea.
|
| 5.4 ARIKETA: sortu ofizioa
|
5.5. ARIKETA:sortu ofizioa
Egizu ofizioa segidako datuokin:
| EGOERA: eman zure sailak atera duen Agindu baten berri; agindu hori bai zure sailari bai gutuna jasoko duenaren sailari dagokie. Agindua ofizioari erantsita doa.
NORK: zuk.
NORI: beste saileko arduradun bati.
|
| 5.5 ARIKETA: sortu ofizioa
|
5.6. ARIKETA: sortu ofizioa
Egizu ofizioa segidako datuokin:
| EGOERA: herritar batek egindako eskabide baten aurrean, zure sailak aldeko erabakia hartu du, baina beste sail batek ere bere iritzia eman behar du. Beste sail horri zure erabakiaren berri eman eta berarenaren zain zaudela esan.
NORK: zuk.
NORI: arazoarekin zerikusia duen sail horretako arduradunen bati.
|
| 5.6 ARIKETA: sortu ofizioa
|
5.7. ARIKETA: sortu ofizioa
Egizu ofizioa segidako datuokin:
| EGOERA: Industria eta Energia saileko langile batek eskari bat egin dizu, lehenengo hiru urtekoa kobratzea dagokiola esanez, baina zure erabakia kontrakoa da.
NORK: zuk, Funtzio Publikoko zuzendaria zarelarik.
NORI: Industria eta Energiako langile bati.
|
| 5.7 ARIKETA: sortu ofizioa
|
6. Azken ariketa
6.1. ARIKETA: berridatzi ofizioa
Egizu berriro hasierako 1.1. ARIKETA, eta alderatu hasieran egindakoa orain egiten duzunarekin ondoren topatuko dituzun galderen bidez. Gogoratu egoera: zeure saileko zerbitzuburua zara, eta Zerbitzu Orokorretako arduradunari Gabonetan jai egingo duten langileen zerrenda bidali nahi diozu ofizio baten bidez.
| 6.1 ARIKETA: berridatzi ofizioa
|
6.2. KONTROL FITXA:erantzun galderei
Azken ariketa osteko ikaslearen kontrol-fitxa:
| 6.2.1. Egin al duzu eskemarik?
_______________________________________________________________
|
| 6.2.2. Egin al duzu ofizioaren zirriborrorik?
_______________________________________________________________
|
| 6.2.3. Idazpuruan daturik falta al zaizu?
_______________________________________________________________
|
| 6.2.4. Enborrean gai zedarritua, helburua eta aitzaikia jarri al dituzu?
_______________________________________________________________
|
| 6.2.5. Kargua eta izena orden zuzenean jarri al dituzu?
_______________________________________________________________
|
| 6.2.6. Zuzendu al dituzu hutsegiteak?
_______________________________________________________________
|
| 6.2.7. Garbira pasa al duzu zirriborroa?
_______________________________________________________________
|
7. Zuzenketak
1.3. ARIKETA:erantzun galderei (zuzenketa)
| 1.3.1. Zein da bere barne-egitura?
Idazpurua / norentzakoa / enborra / sinadura.
|
| 1.3.2. Ba al du agurrik?
Ez.
|
| 1.3.3. Espedienteren bateko izapidetzan aurkitzen den idazkia al da?
Bai.
|
| 1.3.4. Gai bakarra izanik, zein da gaia?
Baserriaren hondamena.
|
| 1.3.5. Zein da helburua?
Teknikariaren txostena bidaltzea.
|
| 1.3.6. Zeintzuk dira idazpuruaren osagaiak?
Toki-egunak / igorle-hartzaileak / gaia eta espedientearen zenbakia.
|
| 1.3.7. Zeintzuk dira enborraren osagaiak?
Gaiaren zehaztapena eta ofizioaren enborra.
|
| 1.3.8. Zeintzuk dira sinaduraren osagaiak, eta zein ordenatan daude?
Kargua eta izen-abizenak, aipatu ordenean.
|
2.2. ARIKETA: asmatu idazpuru-gaia (zuzenketa)
| 2.2.1 Idazpuru-gaia:
Alfabetatze-ikastaroak.
|
| 2.2.2. Idazpuru-gaia:
Administrari bat hautatzea.
|
| 2.2.3. Idazpuru-gaia:
Kuala gorrien ugalketa goiztiarra ikertzeko dirulaguntza.
|
|
|
