Jo dezagun sukaldean azulejoak jarri behar ditugula. Orduan, obra egiteko ‘baimena’ eskatuko diogu udalari. Ondotik, udal-teknikariak ‘txostena’ egingo du, obra egokia den ala ez esateko. Txostena ikusita, alkateak ‘dekretua’ emango du, baimena onartu ala ukatzeko. Idazkariak erabaki horren berri emango digu ‘jakinarazpena’ dela bide, eta, azkenik, kontu-hartzaileak ‘ordainketa’ bidaliko digu.
Hain zuzen, sorta-paper horri (eskabidea, txostena, dekretua, jakinarazpena eta ordainketa) deritzo espedientea. Kasu honetan Obra txikiak izango litzateke espedientearen izena.
Udalean gehien erabiltzen diren espediente batzuk jarri ditugu interneten (goiko aldean adierazten dugu espedientea noiz eguneratu dugun).
Espediente bakoitzaren atal nagusiak
Azala
Agiri-zerrenda
Legeria
Diagrama
Inprimakiak
Hiztegia
Agiriak
Agiriei dagokienez, bi eratan eskaintzen ditugu:
a) eredu gisa, hots, bete gabe daudela.
b) adibide gisa, hots, beteak: horregatik, espediente bakoitzean kasu praktiko bat dator, ereduak nola bete behar diren jakiteko.
