Deialdian parte hartzeko eskabideak egutegiko hogei (20) eguneko epean aurkeztuko dira, deialdi hau Euskal Herriko Agintaritzaren Aldizkarian argitaratzen den egunaren biharamunetik kontatzen hasita.
AURKEZTEKO MODUA
Hautaketa prozesuetan parte hartu nahi dutenek eskabidea Interneten bitartez egin beharko dute dagokion eredua betez. Eredua honako helbide elektroniko hauetan egongo da:
www.ivap.euskadi.net/ope
Eskabidea Interneten bidez egiteko Eusko Jaurlaritzako kzgune zentro publikoetara jo daiteke. Kzgune zentroen zerrenda eta kokapena honako helbide elektroniko honetan ikusi daitezke: http://www.kzgunea.net/
Salbuespenezko izaeraz, hartarako beren-berengi egokituko diren tokietan egin daiteke eskabidea. Tokiok honako hauek izango dira:
Gasteizen:
- Herri Arduralaritzaren Euskal Erakundea; Donostia kalea 1 (Lakua); PK: 01010. (Minusbaliatuentzako sarbidea ere badago).
Bilbon:
- Eusko Jaurlaritza; Kale Nagusia 85; PK: 48011. (Minusbaliatuentzako sarbidea ere badago).
- Herri Arduralaritzaren Euskal Erakundea: Errekalde zumarkalea 18; PK: 48009
Donostian:
- Eusko Jaurlaritza; Andia kalea 13; PK: 20004. (Minusbaliatuentzako sarbidea ere badago).
- Herri Arduralaritzaren Euskal Erakundea: Prim kalea 7. 20007. 20007
Oñatin:
- Herri Arduralaritzaren Euskal Erakundea: Unibertsitate Zaharra. C.P.: 20560
Eskabideak leku horietan aurkeztu ahalko dira 9:00etatik 13:00etara eta 15:00etatik 16:30era astelehenetik ostegunera, eta 9:00etatik 13:00etara ostiraletan.
ESKABIDEAK AURKEZTEAGATIKO TASAK ORDAINTZEA
Eskabideak aurkezteko epearen barruan ordaindu beharko da tasa, honako erakundeetako edozein bulegotan: BBK (Bilbao Bizkaia Kutxa), Caja Vital Kutxa, Gipuzkoa Donostia Kutxa, Euskadiko Kutxa, Banco Guipuzcoano, La Caixa, Bankoa eta BBVA.
Tasa ordaintzeko, eskabide-orria aurkeztu beharko da banku-bulegoan. Eskabidea Interneten bidez eginez gero, bi aukera daude:
a) OFF-LINE ordainketa: Adierazitako finantza-erakunde laguntzaileetako baten bulego batera joan eta sistemak sortutako jaso-agiria aurkeztu behar da, edo bertan agertzen diren datuak. Jaso-agiriek barra-kodea ere daukatenez gero, irakurgailu optikoa duen kutxazain automatikoaren bidez edo eskuzko datu-eskuratzearen bidez egin daiteke.
b) ON-LINE ordainketa: Ordainketa banka elektronikoko sistemaren bidez egin daiteke, banku-sukurtsal batera joan gabe. Horretarako beharrezkoa izango da adierazitako erakunderen bateko banka elektronikoko bezeroa izatea. Aukera hori eguneko 24 orduetan erabil daiteke, eta alferrikako joan-etorriak eta ilarak saihestu daitezke modu horretan.
Hauxe da tasen zenbatekoa
A Titulazio Taldea 19,55
(Medikuntzan, Jarduera Fisikoaren eta Kirolaren Zientzietan Lizentziatua, Historian Lizentziatua, Bide, Ubide eta Portuen Ingeniaritza eta Meatze Ingeniaritza)
B Titulazio Taldea 16,30
(Erizaintzan, Lan Harremanetan Diplomatua eta Meatze Ingeniaritza Teknikoa).
|
