Hautaketa-prozesuan parte hartu ahal izateko, izangaiek ezin dute ezgaitasun edo bateraezintasunen legezko inolako kausatan sartuta egon, ezin dute eginkizun publikoak betetzeko ezgaiturik egon eta ezin dute lana garatzea eragotziko duen muga fisiko zein psikikorik izan. Izangaiek, horiez gain, beste baldintza hauek ere bete beharko dituzte:
- Gutxieneko adina: 16 urte
- Titulazio akademikoa: kasu bakoitzean eskatzen dena
- Herritartasuna: Europar Batasuneko estatu batekoa, edo horretarako ituna duten beste estatuetakoa. Halaber, Europar Batasuneko estatuetako herritartasuna dutenen ezkontideek parte hartu ahal izango dute, betiere zuzenbidearen arabera banatuta ez badaude; herritartasuna duenaren ondorengoek eta haren ezkontidearen ondorengoek ere, betiere zuzenbidearen arabera banatuta ez badaude, baldin eta 21 urtetik beherakoak badira edo adin horretarik gorakoak izanda ere gurasoen kontura bizi badira, parte hartu ahal izango dute. Aurreko kasuetan sartzen ez diren atzerritarrek, halaber, har dezakete parte, Espainiako estatuan bizi badira kontratuaren xede den jarduera egiteko administrazio-baimena kontratua gauzatu aurretik emana eduki beharko dute.
- Tasak: ordaindu behar dira tasak.
|
